Ամերիկյան Apple կորպորացիան Չինաստանում և Թայվանում վարձում է հարյուրավոր մշակողների ու մենեջերների՝ արագացնելու նոր արտադրանքների մշակումն ու ավելի բազմազան սարքերի՝ շուկա թողարկումը: Այս մասին հայտնում է The Wall Street Journal-ը՝ հղում կատարելով իրազեկ աղբյուրներին:
Պարբերականի տվյալներով՝ Apple-ը մասնագետների է ներգրավում սմարթֆոններ արտադրող մրցակից HTC ընկերությունից և այլ թայվանական տեխնոլոգիական ֆիրմաներից՝ ստեղծելու թիմեր Շանհայում և Թայփեյում:
2013-ի կեսերից Apple-ը Չինաստանում հարյուրավոր մասնագետների է վարձել, և այժմ երկրում ընկերության աշխատակազմի ընդհանուր թվաքանակը գերազանցում է 600-ը՝ հայտնել են պարբերականի աղբյուրները: Apple-ի ներկայացուցիչները հրաժարվել են մեկնաբանել այդ թվերը:
Apple-ն աշխատակիցների որոնման գործում կիրառում է LinkedIn սոցցանցը: «Apple-ը Թայփեյում տեխնոլոգիական թիմ է ստեղծում՝ ակտիվացնելու նոր iPhone-ի մշակումը»,- այսպիսի արտահայտություն է պարունակվում նամակում, որն ընկերությունն ուղարկում է պոտենցիալ աշխատակիցներին:
