Կես դար է անցել այն բանից հետո, երբ 1964թ. մարտի 4-ին ՄԱԿ Անվտանգության խորհուրդը արտոնեց Կիպրոսում ստեղծել խաղաղությունը պահպանելու ՄԱԿ-ի զինված ուժեր: «Կապույտ սաղավարտները» կղզում տեղակայվեցին բանաձևի ընդունումից երեք շաբաթ հետո և ծառայում են այնտեղ մինչև հիմա: Սա ամենատևական խաղաղապահ առաքելություններից մեկն է կազմակերպության պատմության մեջ՝ հաղորդում է ITAR-TASS-ը:
Կիպրոսի, որը Մեծ Բրիտանիայից անկախություն էր ստացել 1960թ., երիտասարդ հանրապետություն ՄԱԿ ռազմական կոնտինգենտ ուղարկելու պատճառը միջհամայնքային բախումներն էին:
10 տարի անց՝ 1974թ., Թուրքիայի զինված ներխուժումից հետո, ՄԱԿ մանդատը զգալիորեն ընդլայնվում է: Կղզում ընթացող ինտենիսվ մարտական գործողությունների կապակցությամբ ԱԽ-ն մի շարք բանաձևեր է ընդունում, որոնք «կապույտ սաղավարտներ»-ի առաջ դնում են նոր խնդիրներ՝ կապված հիմնականում կրակի դադարեցման ռեժիմի ապահովման հետ:
Կիպրոսում պարտականությունների կատարման ժամանակ զոհվել է 178 խաղաղապահ:
Ժամանակի ընթացքում ՄԱԿ կոնտինգենտի գործառույթներն ընդլայնվել են, և այժմ խաղաղապահները զբաղվում են բնակչությանը հումանիտար օգնություն ցուցաբերելով և աջակցում են, որպեսզի համայնքների միջև վստահությունն ամրապնդվի: Այսօր ՄԱԿ առաքելության զինվորական անձնակազմը բաղկացած է շուրջ 860 մարդուց:
Կիպրոսի նախագահ Նիկոս Անաստասիադիսը շնորհակալություն է հայտնել խաղաղապահներին աջակցության համար, որոնք ցուցաբերվել են այս 50 տարիների ընթացքում:
