«Ազատություն» ռադիոկայանի փոխանցմամբ՝ Էկոնոմիկայի նախարարի առաջին տեղակալ Կարինե Մինասյանը և փոխարտգործնախարար Շավարշ Քոչարյանը կառավարության մամուլի կենտրոնում այսօր հանդիպել են լրագրողների հետ՝ խոսելու Մաքսային միությանը Հայաստանի անդամակցության գործընթացից:
Մինասյանը տեղեկացրել է, որ մարտի 11-ին Մոսկվայում կհանդիպեն Հայաստանի ու միության անդամ երեք երկրների նախագահները, ուր և որոշում կկայացվի Մաքսային միությանը մեր երկրի անդամակցության պայմանագրի մշակման մասին:
Շավարշ Քոչարյանը կարծիք է հայտնել, թե առավելագույնը այս ապրիլի կեսերին Հայաստանը ավարտած կլինի «Ճանապարհային քարտեզի» բոլոր դրույթների իրականացումը և պատրաստ կլինի միությանը անդամակցելու վերաբերյալ պայմանագրի կնքմանը:
Լուսանկարը՝ Photolure-ի