Շոտլանդիայի Էդինբուրգ քաղաքի կենտրոնում, իր տան մոտ, սպանվել է «T2 Trainspotting»-ի դերասան Բրեդլի Ուելշը, հաղորդում է The Sun-ը:
Հարձակվողը կրակել է Ուելշի գլխին: Միջադեպը տեղի է ունեցել ապրիլի 20-ի երեկոյան, ժամը 20:00-ին: Նշվում է, որ դերասանը ստացած հրազենային վերքերից մահացել է բժիշկների ժամանումից հետո:
Բրեդլի Ուելշը 42 տարեկան էր: Նախկինում նա զբաղվել է պրոֆեսիոնալ բռնցքամարտով, իսկ 2009-ին նկարահանվել է «Danny Dyer’s Deadliest Men» վավերագրական ֆիլմում, որը պատմում է Մեծ Բրիտանիայի ամենավտանգավոր մարդկանց մասին:
2017-ին «T2 Trainspotting»-ում Ուելսը խաղացել է պարոն Դոյլի՝ Էդինբուրգի գաղտնի հասարակաց տների տիրոջ դերը: Ռեժիսոր Դենի Բոյլի ֆիլմը նրա 1995-ին նկարահանած «Ասեղի վրա » ֆիլմի շարունակությունն էր՝ Յուեն Մաքգրեգորի, Յուեն Բրեմների և Ջոնի Լի Միլերի մասնակցությամբ: