Tianjin Airlines ավիաընկերության չվերթը երկու ժամով հետաձգվել է ուղևորներից մեկի պատճառով, որն, ի նշան հաջողության, օդանավի շարժիչ մետաղադրամներ է գցել: Այս մասին հաղորդում է «ՌԻԱ Նովոստին»՝ հղում անելով ավիաընկերության հայտարարությանը:
Ինչպես նշվել է, Հուհ Հոտո – Չիֆեն չվերթ իրականացնող ինքնաթիռի թռիչքը հետաձգվել է, քանի որ անվտանգության ծառայության աշխատակիցները նկատել են, որ ինքնաթիռի ուղևորը շարժիչի ուղղությամբ ինչ-որ առարկաներ է նետում և անմիջապես տեղեկացրել են ոստիկանությանը:
Հստակեցվում է, որ ոստիկանությունը ձերբակալել է 66-ամյա տղամարդուն: Ավիաընկերության հայտարարության համաձայն, նա վեց մետաղադրամ է նետել ինքնաթիռի շարժիչի ուղղությամբ: Բոլոր մետաղադրամները հայտնաբերվել են, սակայն ավիաընկերությունը որոշել է փոխել ինքնաթիռը՝ հնարավոր ռիսկերից խուսափելու համար: Արդյունքում թռիչքը հետաձգվել է երկու ժամով:
