Լուրեր
Երևանում առաջ երեք հատ գեյ կար, հետո լցվեցին․ Սամվել Սևադա

«Ես մշակույթի նախարարությունից չեմ բողոքում, որովհետև ո՛չ նրա ներկայությունն եմ զգացել, ո՛չ էլ առավել ևս բացակայությունը, անտարբեր եմ այդ հաստատության նկատմամբ: Մշակույթի նախարարության փակվելուց կամ այլ նախարարության գրասենյակ դառնալուց որևէ բան չի փոխվի»,- «Առաջին լրատվական»-ի հետ զրույցում այս մասին ասաց գեղանկարիչ Սամվել Սևադան՝ հավելելով, որ երկրում շարժում կա, և դա լավ է, թեև անկանոն շարժում է:

Մեր զրուցակցի դիտարկմամբ՝ առայժմ մեր երկիրը շատ տարերային է. «Քաղաքական փոփոխություն տեղի ունեցավ երկրում, որն ի հայտ բերեց նաև շատ այլ փոփոխություններ, ժողովրդի մտածելակերպը միանգամից փոխվեց: Եվ հիմա այն ժողովուրդը, որ միահամուռ կերպով ոտքի կանգնեց և ազատվեց նախորդ իշխանությունից, հիմա նույն ժողովուրդը չի թողնում, որ նոր իշխանությունն աշխատի. ով ինչ խնդիր ունի, հարևաններին, մյուսներին հավաքում է, գնում  վարչապետի դռան մոտ կանգնում ու բողոքում: Չեմ կարծում, որ սա ճիշտ է: Մեր մամուլն էլ երբեմն թշնամանքի հասնող նյութեր է հրապարակում, ինչի հանդեպ ինձ մոտ էլ է ընդվզում առաջանում. թողեք այդ մարդիկ աշխատեն»:

Ցանկացած հարցի շուրջ մեր հանրությունը բաժանվում է երկու մասի՝ կողմ կամ դեմ, մայրաքաղաքում դեռևս չեն մարել «տրանսգենդերային» կրքերը, այսօր էլ բողոքի ակցիա էր իրականացվում, որի մասնակիցները բողոքում էին ԱԺ ամբիոնից տրանսգենդերի ելույթը հանրային հեռուստատեսությամբ հեռարձակելու դեմ: Արհեստածի՞ն է, թե՞ իսկապես մեր հանրությունը մտահոգ է այդ հարցով: Այս հարցին ի պատասխան՝ Ս. Սևադան նշեց. «Խորհրդային միության տարիներին Երևանում երեք հոգի գեյ կար, մենք էլ չէինք հավատում, մտածում էինք՝ թշնամություն են անում, որ նրանց այդպիսին են համարում, հետո լցվեցին, պարզվեց, որ դա իրականություն է: Դա բնական աղետ է, որը ժողովրդի մեջ սկսում է ավելանալ, երբ որ դրա համար հարմար պայմաններ են ստեղծվում… Ես չեմ ուզում, որ մեր ժողովրդի մեջ դա լինի: Բայց թե դժբախտություն է, եղել է, պետք է կարողանանք նրանց էլ հասկանալ»:

Մանրամասն՝ տեսանյութում:

 

  • Դիտումներ՝ *