Ethiopian Airlines ավիաընկերության Boeing 737 MAX-ի կործանման հետևանքով զոհված կանադացու ընտանիքը դիմել է Չիկագոյի (ԱՄՆ) Քուքի օկրուգի դատարան՝ ավիահանրանավն արտադրող ֆիրմայի դեմ վնասի փոխհատուցման հայցադիմումով, տեղեկացնում է Interfax-ը:
«Ներկայացված է 50 միլիոն դոլարի չափով վնասի փոխհատուցման պահանջ»,- հայտնել է փաստաբան Իգոր Տրունովը, որը ներկայացնում է հայցվորների շահերը:
Նրա խոսքով՝ զոհված 54-ամյա հաշվապահը և «Քալգարիում քենիացի քաղաքացիների» հիմնադրամի նախագահը թողել է կնոջը և երեք երեխաների:
«Դա առաջին հայցն է, ներկայում ձևակերպման փուլում են մյուս զոհվածների հարազատների փաստաթղթերը, որոնք նույնպես մտադիր են դիմել դատարան»,- ամփոփել է Տրունովը:
Ethiopian Airlines ավիաընկերության Boeing 737 MAX 8 ինքնաթիռը, որը կատաում էր Ադիս Աբեբայից Նայրոբի չվերթը, կործանվել է այս տարվա մարտի 10-ին, ավիաաղետը 157 մարդու կյանք է խլել:
