Պոտսդամում Քրիստոնյա-դեմոկրատական կուսակցության երիտասարդական թեւի հետ կայացած հանդիպման ժամանակ Գերմանիայի կանցլեր Անգելա Մերկելը հայտարարել է, որ Գերմանիայում բազմաէթնիկ հասարակություն կառուցելու բոլոր այն փորձերը, ուր տարբեր մշակույթների ներկայացուցիչները կապրեն համընդհանուր համաձայնության մթնոլորտում, տապալվել են: «Մենք ուրախ չենք նրանց համար, ովքեր գերմաներեն չեն խոսում»,- ասել է Գերմանիայի կանցլերը: «1960-ականներին ԳԴՀ իշխանությունները կոչ արեցին օտարերկրյա աշխատուժին գալ երկիր, որտեղ հիմա նրանք ապրում են: Այն ժամանակ մենք մեզ խաբում էինք` հայտարարելով, որ նրանք հետ կվերադառնան եւ չեն մնա Գերմանիայում: Սակայն դա հեռու է իրականությունից»,-հաղորդում է BBC-ն:
Վերջին շրջանում այս թեմայով բանավեճերն ավելացել են: Երկրի ներսում էմիգրանտների վերաբերյալ անցկացված հարցումներն էլ վկայում են, որ դժգոհությունը նրանց թվի մեծացմանը զուգահեռ աճում է:
