Սերժ Սարգսյանը վկայի կարգավիճակով հարցաքննվել է Մարտի 1-ի գործի շրջանակներում, որը տևել է 6 ժամ, սակայն չի ավարտվել և շարունակվելու է: Թեման քննարկելու համար «Առաջին լրատվական»-ը հյուրընկալել է Փաստահավաք խմբի անդամ, փաստաբան Սեդա Սաֆարյանին:
Մեր զրուցակցի խոսքով՝ Սերժ Սարգսյանի ցուցմունքը ոչ միայն Ռոբերտ Քոչարյանի դեմ է, այլև հենց իր դեմ. «Որովհետև չի կարող պետական պաշտոնյան իր սենյակի հարևանությամբ ունենալ ոչ օրինական կառույց, որը զբաղվի Մարտի 1-ի իրադարձությունները ծրագրելով, հետագայում նաև՝ դրանց մասնակցությամբ»:
Սեդա Սաֆարյանի խոսքով՝ հետաքրքիր էր, որ Սերժ Սարգսյանի ցուցմունքում տեղ են գտել փաստական տվյալներ առ այն, որ այդ օրը նաև զինվորականներ են եղել. «Իսկ Լեռնային Ղարաբաղից ուժեր բերելը վկայում է այն մասին, որ ամեն ինչ եղել է կազմակերպված: Եվ բացի Ռոբերտ Քոչարյանից՝ ոչ պակաս կարևոր է նաև մյուս պաշտոնյաների դերակատարումը այս առումով»:
Փաստաբանը կարծում է, որ ցուցմունքներից ակնհայտ է՝ այդ օրերին ավելի շատ եղել է ռազմական դրություն՝ իր բոլոր մեխանիզմներով, թեև կրել է արտակարգ դրություն անվանումը. «Միջազգային պարտավորությունները չեն պահպանվել նաև այդ օրը, և մի ամբողջ ժողովրդի նկատմամբ իրականացվել է իրավունքի սահմանափակում»:
Հարցազրույցն ամբողջությամբ՝ տեսանյութում: