Հարավային Օսիայի նախագահ Անատոլի Բիբիլովը հայտարարել է, որ Վրաստանի Հանրապետության հետ հարաբերությունների բարելավում տեղի չի ունենա, քանի դեռ Թբիլիսին չի փոխել Ռուսաստանի նկատմամբ իր քաղաքականությունը, գրում է «Իզվեստիա»-ն։
Բիբիլովը նշել է, որ Վրաստան-Հարավային Օսիա հարաբերություններում դրական փոփոխություններ չեն լինի, քանի դեռ վրացի քաղաքական գործիչները չեն վերանայի Մոսկվայի հետ հարաբերությունները։ Նրա խոսքով՝ նախագահական ընտրություններից հետո անգամ Թբիլիսիում քաղաքական իրավիճակը չի փոխվել։
Վրաստանի իշխանությունները դեռևս պատրաստ չեն ուժ չկիրառելու մասին հուշագիր ստորագրել։ Բիբիլովի կարծիքով՝ դա վկայում է Թբիլիսիի վրա ակնհայտ քաղաքական ազդեցության մասին։
