Իսրայելի վարչապետ Բենիամին Նեթանյահուն չեղյալ է հայտարարել Ռուսաստանի նախագահ Վլադիմիր Պուտինի հետ հանդիպումը, հաղորդում է Haaretz-ը, վկայակոչելով դիվանագիտական աղբյուրները:
Պարբերականը գրում է, որ քաղաքական գործիչները հեռախոսային բանակցություններ կվարեն: Ավելի ուշ նոր ժամկետ կնշվի անձնական հանդիպման համար: Ինչպես նշվում է, այցի չեղարկումը պայմանավորված է քաղաքական իրավիճակի հետ՝ ապրիլյան ընտրությունների նախաշեմին:
The Jerusalem Post-ը նշում է, որ ուղևորությունը հետաձգվել է երկկողմ համաձայնությամբ: Այս տեղեկությունը ՌԻԱ Նովոստիին հաստատել է Ռուսաստանի նախագահի օգնական Յուրի Ուշակովը:
Նեթանյահուն և Պուտինը պետք է հանդիպեին փետրվարի 21-ին, Մոսկվայում: Նրանք ծրագրել էին քննարկել ինչպես երկկողմ համագործակցությունը, այնպես էլ Մերձավոր Արևելքի ներկայիս իրավիճակը, այդ թվում, պաղեստինա-իսրայելական կարգավորումը և Սիրիայում տիրող իրավիճակը: