Արաքս գետի ջրերը Ուրմիա լիճ ուղղելու ծրագրի համար անհրաժեշտ բնապահպանական և տեխնոլոգիական թույլտվություններն արդեն ստացված են, տրվել է նաև նախագծի տնտեսական գնահատականը և շուտով կսկսվի դրա իրականացումը: Այս մասին հաղորդում է IRNA գործակալությունը` վկայակոչելով Իրանի խորհրդարանի անդամ Ալիռզա Մունադիին:
Մունադին նշել է, որ տվյալ նախագծի համար ներդրումներ կանի գերմանական ընկերությունը: Նրա խոսքերով` ներկայումս ընթանում են ծրագրի իրականացման նախապատրաստական աշխատանքները, և մինչև տարեվերջ նախագիծը կմեկնարկի:
