«Մամուլի հետ սուրճ» հաղորդման հունվարի 15-ի հյուրը ֆոտոլրագրող Անի Գևորգյանն է։
«Շատ ուրախալի է տեսնել երիտասարդ դեմքերի, հատկապես կանանց, ովքեր խորհրդարանում հայտնվելուց առաջ աչքի են ընկել իրենց ակտիվությամբ, քաղաքացիական դիրքորոշում ունենալու համառությամբ»,-ասաց մեր զրուցակիցը՝ անդրադառնալով 7-րդ գումարման խորհրդարանի պատկերին։
Անի Գևորգյանի կարծիքով՝ արդեն ժամանակն է էմոցիաները զսպել և ուշադրությամբ բովանդակությանը հետևել.«Բնականաբար կլինեն պահեր, որոնց ժամանակ երիտասարդ լինելը գուցե կխանգարի արագ և ճշգրիտ որոշումներ կայացնելու հարցում։ Բայց քանի որ այս հեղափոխական պրոցեսներից հետո քաղաքացուն վերադարձվեց ընտրելու իրավունքը՝ շատ պարզ է, եթե երիտասարդացված խորհրդարանն ինչ-որ հարցում չհաջողի, հաջորդ ընտրություններում նրանց չեն ընտրի»։
