Շվեյցարական ժամացույցների արտադրող A. Favre & Fils-ը նոր մոդել կթողարկի՝ ներկառուցված կրիպտոարժույթային դրամապանակով՝ տեղեկացնում է CoinDesk-ը։
Երեք հարյուր տարվա պատմություն ունեցող ընկերությունը մտադիր է ներկայացնել արտադրանքը 2019թ․ երկրորդ կեսին։ Գինը կախված կլինի մոդելից, դրա հատկանիշներից և նյութերից․ 100-150 հազար շվեյցարական ֆրանկ (102-153 հազար ԱՄՆ դոլար)։ Ձեռագործ մեխանիկական ժամացույցները հագեցած կլինեն «սառը դրամապանակով», որը չի ենթադրում մշտական գործարքների կատարում:
Արտադրողները խոստանում են արժույթների հուսալի պահպանում, որը կիրականացվի բլոկչինների վրա հիմնված անվտանգության բարձրակարգ համակարգերով: «Մենք առաջին նման մոդելն ենք մշակել, քանի որ մենք ուզում էինք կրիպտոարժույթային հանրույթին առաջարկել ինչ-որ օգտակար բան, այլ ոչ թե ուղղակի ժամացույցը, որի համար նրա մասնակիցները կարող են ծախսել իրենց գումարները»,- ասել է A. Favre & Fils ընկերության գլխավոր տնօրեն Լորան Ֆավրը։
