2018 թվականը մոտենում է իր տրամաբանական ավարտին, որոնք էին, իհարկե, հետհեղափոխական տրամաբանության մեջ քաղաքական կարևորագույն իրադարձությունները «Առաջին լրատվական»-ի հարցին քաղաքագետ Նժդեհ Հովսեփյանը պատասխանեց․ «Մինչև հետհեղափոխական տրամաբանությունը, կարելի է խոսել նաև նախահեղափոխական տրամաբանության մասին։ Կարևորագույն իրադարձություն էր՝ Հայաստանը չորրորդ նախագահն ունեցավ։ Ժամանակին, երբ Սերժ Սարգսյանն առաջադրում էր Արմեն Սարգսյանին, այնքան էլ հետաքրքիր չէր այդ հարցը, բոլորն անտարբեր էին այդ խնդրի նկատմամբ, բայց բավականին կարևոր իրադարձություն էր։ Ի վերջո, առաջիկա վեց տարիներին Հայաստանը նոր նախագահ ունի, և նոր նախագահի լիազորությունները սահմանափակված լինելով հանդերձ, պետակառավարման համակարգում բավականին ներկայացուցչական է։ Հիշում եք՝ Արմեն Սարգսյանը հետհեղափոխական շրջանում որոշակիորեն արբիտրի դերակատարություն կարողացավ ստանձնել, և, ի պատիվ իրեն, բավականին սահուն կերպով անցկացրեց որոշակի փուլերում բանակցությունները»։
«Հետհեղափոխական Հայաստանում, թերևս, ամենակարևորը խորհրդարանի արտահերթ ընտրություններն էին՝ երբ հեղափոխությունը փողոցից տեղափոխվեց խորհրդարան, և այլևս փողոցում իշխանություն չկա։ Իշխանությունն անցել է խորհրդարան, որտեղ ձևավորվելու է իշխանության և ընդդիմության հարաբերությունները»,- հավելեց Նժդեհ Հովսեփյանը։
Ամբողջությամբ՝ տեսանյութում։