Բրիտանիայում 2-ամյա աղջկան մարիխուանա են նշանակել որպես դեղամիջոց: Երախան գտնվում է ծանր վիճակում. օրական 30 անգամ ծանր նոպաներ է ունենում։ Սակայն ծնողները, դեղատների լիցենզավորման հետ կապված խնդիրների պատճառով, չեն կարողանում ձեռք բերել անհրաժեշտ քանակությամբ կանեփը, հայտնում է The Daily Mail-ը:
Ջորջիան ծնվել է հազվադեպ հանդիպող քրոմոսոմային անոմալիայով, որի պատճառով դանդաղում է մտավոր զարգացումը։ 10 ամսականում աղջկա մոտ էպիլեպսիա է սկսել։ Նա մոտ 200 հիվանդներից առաջինն է Մեծ Բրիտանիայում, ում կանեփ են նշանակել որպես դեղամիջոց։
2013թ.-ին հիմնված Tilray Inc. ընկերությունը զբաղվում է կանեփի աճեցմամբ, վերամշակմամբ և դրա հիմքով արտադրանքների արտադրությամբ։ Հենց ընկերության արտադրած միջոցն է նշանակվել երեխային։ Սակայն, աղջկա ծնողները մտավախություն ունեն, որ գործնականում դեղամիջոցի ձեռք բերման գործընթացը կձգձգվի շաբաթներով կամ նույնիսկ ամիսներով։
Նոյեմբերի 1-ին բրիտանական օրենսդրությունում կատարված փոփոխությունից հետո բժիշկներն իրավունք են ստացել հիվանդներին նշանակել մարիխուանայի հիմքով, ինչպես նաև քիմիական տետրահիդրոկանաբինոլի պարունակությամբ դեղամիջոցներ։
Սակայն, այդ դեղամիջոցների նշանակման համար կանոնակարգեր դեռևս սահմանված չեն, ինչի հետ կապված Մեծ Բրիիտանիայի դեղատներում մարիխուանայի հիմքով դեղամիջոցներն ամբողջությամբ հասանելի չեն։
