The Brandwatch React ընկերությունը հրապարակել է 2018թ.-ի Twitter-ի ամենաազդեցիկ հայտնիների վարկանիշային ցանկը:
Առաջատարներն ընտրվել են ոչ թե բաժանորդների քանակով, այլ նրանց հրապարակումներին օգտատերերի արձագանքով:
Հայտնիների ցանկը գլխավորում է փոփ երգչուհի Թեյլոր Սվիֆթը:
Երգչուհու յուրաքանչյուր գրառում հավաքում էր տասնյակ հազարավոր ռեթվիթներ և ավելի շատ լայքեր:
Ընկերության ներկայացուցիչները թեև կազմել են կանանց և տղամարդկանց վարկանիշային ցանկեր, սակայն ամերիկացի երգչուհին երկուսում էլ գլխավորում էր:
Սվիվթին հաջորդում են Քեթի Փերին, Քիմ Քարդաշյանը, Դեմի Լովատոն և Էլեն Դեջեներեսը: Առաջին տասնյակում են նաև Սելենա Գոմեսը, Շակիրան, Ջենիֆեր Լոպեսը, Ռիհաննան և Լեդի Գագան:
Տղամարդկանց մեջ ամենաազդեցիկը Լիամ Փեյնն էր, որին հաջորդում է Դոնալդ Թրամփը և առաջին եռյակը եզրափակում է Ջասթին Բիբերը:
Նրանց հաջորդում են Բարաք Օբաման, Կրիշտիանու Ռոնալդուն, Նայլ Հորանը, Բրունո Մարսը, Ամիթաբհ Բաչչանը, Դեյվիդ Գետտան և Ալա Ռաքհա Ռահմանը:
