Վրացական GHN լրատվական գործակալության փոխանցմամբ՝ մայիսին Վրաստանում գրանցվել է արտահանման ռեկորդային ցուցանիշ։ Այս մասին մինչև կառավարության նիստը սկսվելը հայտարարել է Վրաստանի վարչապետ Նիկա Գիլաուրին։
Վերջինս նշել է. «Մայիսին Վրաստանից արտահանվել է 200 միլիոն դոլարի արտադրանք, ինչը համարվում է ռեկորդային։ Ոչ մի ամսի չի գրանցվել այդպիսի ցուցանիշ։ Դա ցույց է տալիս Վրաստանի տնտեսական զարգացումը»։
Իսկ կառավարության նիստի ժամանակ Գիլաուրին նշել է, որ այս տարվա առաջին եռամսյակին օտար ներդրումների ծավալը կազմել է 172-173 միլիոն ամերիկյան դոլար. «Դա 2.3 անգամ գերազանցում է նախորդ տարվա նույն ժամանակահատվածում գրանցված ցուցանիշը, ինչը նույնպես խոսում է տնտեսական ակտիվության մասին»։