Նախօրեին Տարաս Շևչենկոյի արձանի մոտ հավաքված Դնեպրոպետրովսկի բնակիչներն առաջարկել են ցույցերի ժամանակ զոհված Սերգեյ Նիգոյանին շնորհել Ուկրաինայի հերոսի կոչում՝ հաղորդում է censor.net.ua-ն:
Հաղորդվում է, որ հուշարձանի մոտ հավաքվել էր շուրջ 200 մարդ, որոնք պատարագ են անցկացրել՝ ի փառս Ուկրաինայի, որից հետո քահանան աղոթել է Սերգեյ Նիգոյանի հոգու համար:
Բացի այդ, Դնեպրոպետրովսկի աջ և ձախ ափերն իրար կապող Նոր կամրջի վրա կենդանի շղթա էին կազմել 400 մարդ, որոնք մեկ րոպե լռությամբ հարգել են Մայդանում զոհված երեք անձանց հիշատակը: Նրանց ձեռքերում ծածանվել է Ուկրաինայի դրոշը, որի վրա եղել է սև ժապավեն: Ոմանք պարզել էին Սերգեյ Նիգոյանի լուսանկարը:
