ՀՀ Արդարադատության նախարար Հրայր Թովմասյանը հունվարի 23-ին Կառավարության նիստից հետո լրագրողների հետ ճեպազրույցում անդրադարձել է ԲՈՒՀ-եր ընդունվելիս զինվորական ծառայություն չանցած ուսանողներին տարկետման հնարավորություն տալու հարցին:
«Եթե կընդունվի Հարվարդ, Մոսկվայի պետական համալսարան, միջկառավարական, միջպետական համաձայնագրերով, ապա բնականաբար Կառավարությունը կորոշի և կազատի, իսկ եթե ընդունվել է, ասենք, Տամբովի մարզի ինչ-որ գերատեսչական համալսարան, բնականաբար անիմաստ կլինի էդ տարկետումները տալ»,- ասել է նա՝ հավելելով, որ հայաստանյան բուհեր ընդունվողների դեպքում կլինի այնպես, ինչպես և նախկինում, կսահմանվի տարկետման շեմը:
Նախարարն անդրադարձավ նաև ՄԻԵԴ-ում ընդդեմ Հայաստանի ադրբեջանցի վերաբնակների հայցի քննությանը, նշեց, որ երեկ քննության հերթական փուլն է եղել: «Մեր ներկայացուցիչը՝ պարոն Կոստանյանը, և երկու փորձագետներ մասնակցել են,պիտի ասեմ՝ արդեն ձայնագրությունների սղագրությունները մեր տրամադրության տակ կան, բավական հուսադրող է, որ այդ գործով հայանպաստ որոշում կկայացվի, մի քանի օրից Սարգսյաններն ընդդեմ Ադրբեջանի, որ նույնաբովանդակ գործ է, և եթե անգամ այս երկրորդում հաջողության չհասնենք էլ, մենք խնդիրներ չենք տեսնում: Հուսով ենք՝ կարող ենք հայանպաստ որոշում ակնկալել ՄԻԵԴ-ից»,- ասաց նա:
