ԱՄՆ Ազգային անվտանգության խորհրդում անհանգստություն են արտահայտել Ուկրաինայում տեղի ունեցող իրադարձությունների առնչությամբ: «Մենք խորապես անհանգստացած ենք բռնության առնչությամբ, որը տեղի է ունենում այսօր Կիևի փողոցներում, և բոլոր կողմերին իրավիճակի անհապաղ լիցքաթափման կոչ ենք անում»,- RIA Novosti-ն մեջբերում է Ուկրաինայի հարցով Ազգային անվտանգության խորհրդի ներկայացուցիչ Քեյթլին Հեյդենի խոսքերը:
Հեյդենը նշել է, որ Ուկրաինայում աճող լարվածությունը ուղիղ հետևանքն է այն բանի, որ կառավարությունն ի վիճակի չէ ճանաչել իր ժողովրդի օրինական պահանջները: Պետդեպի ներկայացուցչի խոսքով՝ դրա փոխարեն իշխանությունները թուլացնում են ժողովրդավարության հիմքերը և խաղաղ ցույցերը դիտարկում որպես քրեական հանցագործություն և քաղաքացիական հասարակությունից ու իր քաղաքական հակառակորդներից խլում առանցքային իրավունքները:
ԱՄՆ Անվտանգության խորհրդում Ուկրաինայի իշխանություններին կոչ են արել չեղյալ հայտարարել օրերս ընդունված «հակաժողովրդավարական օրենքները», դուրս բերել հատուկ նշանակության ջոկատները մայրաքաղաքի կենտրոնից և երկխոսություն սկսել քաղաքական ընդդիմության հետ:
«ԱՄՆ-ը կդիտարկի հավելյալ միջոցառումներ, այդ թվում՝ պատժամիջոցների ներմուծում»,- ընդգծել է Հեյդենը:
Ներկայում հաղորդվում է ավելի քան 100 տուժածի մասին:
