Այս շաբաթ Իտալիան պատուհասած եղանակային անբարենպաստ պայմանների՝ փոթորկի, տեղատարափ անձրևների ու դրանց հաջորդած ջրհեղեղների հետևանքով զոհերի թիվը 11-ից հասել է 16-ի:
Ինչպես նշում է ria.ru-ն, մարդիկ հիմնականում մահացել են փոթորկի հետևանքով տապալված ծառերի տակ մնալու, մեքենայով դրանց բախվելու պատճառով:
Հայտնի է, որ երկրի հյուսիսում գտնվող 5 շրջաններում վտանգի բարձր՝ «կարմիր» մակարդակ էր հայտարարվել: Ներկայում այն պահպանվել է միայն Վենետոյում, որտեղ տարերային աղետի պատճառած վնասը գնահատվել է մոտ 1 մլրդ եվրո:
Եղանակային պայմաններից զգալի տուժել է նաև Վենետիկը, որի ¾ մասը ջրի տակ է անցել: