Այսօր՝ նոյեմբերի 1-ին, ԱԺ-ում հրավիրվել է արտահերթ նիստ. «Ելք» խմբակցությունը վարչապետի պաշտոնում առաջադրել է Նիկոլ Փաշինյանի թեկնածությունը:
«Երկրորդ անգամ մենք վարչապետի ընտրություններ ենք անցկացնում ոչ թե վարչապետ ընտրելու, այլ վարչապետ չընտրելու համար»,- նշեց Նիկոլ Փաշինյանը՝ իր ելույթը նվիրելով տնտեսական վիճակին:
Նա նշեց, որ կա բյուջեի ծախսային մասի թերակատարման խնդիր. «Հեղափոխությունից հետո բյուջեի ծախսային մասի թերակատարման ռեժիմով ենք գնում: Պատճառը կոռուպցիայի դեմ պայքարի մեր քաղաքականությունն է: Այս պահին ՀՔԾ-ում քննվում են մոտ 200 մլն դոլարի չարաշահումների վերաբերյալ քրգործեր»:
Նրա խոսքով, սակայն, մեր տնտեսության մեջ տեղի են ունենում խիստ պոզիտիվ, առողջացման պրոցեսներ, որոնք անխուսափելիորեն բերելու են մեր առջև դրված նպատակների իրականացմանը:
Անդրադառնալով փոքր ՀԷԿ-երին՝ նա նշեց, որ դրանք դարձել են չարաշահման մի հսկա տիրույթ. «Մեր ուսումնասիրած 150 փոքր ՀԷԿ-երի 95 տոկոսում ջրաչափ տեղադրված չէ»:
Փաշինյանի խոսքով՝ ոռոգման պրոբլեմը հետևանքն է այն բանի, որ «Հայաստանում բազմաթիվ գետեր դե յուրե կան, բայց դե ֆակտո չկան»:
Նա նշեց, որ իրենք չեն գնալու սեփականության վերաբաշխմանը. «Մենք սրա հորեղբորորդուց սեփականությունը չենք վերցնելու մյուսին տանք»:
Մանրամասները՝ տեսանյութում:
