Այս տարին պաղեստինյան պետության ստեղծման և իսրայելական զավթման վերացման ճանապարհով պաղեստինա-իսրայելական խնդրի կարգավորման համար վճռորոշ կդառնա՝ իր վստահությունն է հայտնել ՄԱԿ-ի գլխավոր քարտուղար Պան Գի Մունը:
Նա կոչ է արել միջազգային հանրությանը, առաջին հերթին պաղեստինցիներին և իսրայելցիներին, համատեղ աշխատել պատմական արդարադատության և ամուր խաղաղության ձեռք բերման նպատակով: Նրա խոսքերով՝ ամռանը վերականգնված ուղիղ բանակցությունների ընթացքում իսրայելցիներն ու պաղեստինցիները պետք է կարգավորեն այն բոլոր խնդիրները, որոնք կապված են տարածքի և ռեսուրսների վերջնական կարգավիճակի հետ, հաղորդում է ИТАР-ТАСС-ը:
ՄԱԿ-ի Գլխավոր ասամբլեան 2014-ը Պաղեստինի ժողովրդին աջակցելու տարի է հռչակել:
