67-ամյա գերմանացի թոշակառուն շփոթել է լողափին հայտնաբերված դեղին ֆոսֆորը սաթի հետ, ինչի հետևանքով էլ ստացել է երրորդ աստիճանի այրվածքներ՝ գրում է The Local-ը:
Դեպքը տեղի է ունեցել երկուշաբթի: Բալթյան լողափով զբոսանքի ժամանակ տղամարդը հայտնաբերել է դեղնավուն քար, որը սաթ է համարել, սակայն իրականում այն եղել է դեղին ֆոսֆոր:
Տղամարդը քարը դրել է գրպանը, որտեղ էլ այն բոցավառվել է: Մոտակայքում գտնվող ձկնորսներից մեկը շտապօգնություն է կանչել: Ներկայում նա դեռ գտնվում է հիվանդանոցում, իսկ ոստիկանությունը ստուգում է այն լողափը, որտեղ հայտնաբերվել էր ֆոսֆորը:
