ՊՍԺ-ի հարձակվող Զլատան Իբրահիմովիչի գործակալ Մինո Ռայոլան իր կարծիքն է հայտնել «Ոսկե գնդակ»-ի մրցանակաբաշխության արդյունքների վերաբերյալ:
«Իմ կարծիքով` Զլատանն աշխարհի լավագույն ֆուտբոլիստն է: Ինձ համար նա «Ոսկե գնդակ»-ի դափնեկիր է յուրաքանչյուր տարի, յուրաքանչյուր օր: Ես կյանքում երբեք չեմ տեսել ավելի ուժեղ ֆուտբոլիստի, քան Զլատանն է: Ես պարզապես չեմ տեսնում այլ խաղացողների, ովքեր իրենց այդպես կդրսևորեին տարբեր ակումբներում` «Այաքս»-ում, «Յուվենթուս»-ում, «Ինտեր»-ում, «Բարսելոնա»-ում, «Միլան»-ում, ՊՍԺ-ում:
Զլատանն արժանի է այդ «Ոսկե գնդակ»-ին: Իմ կարծիքով` հենց նա էլ պետք է ստանար այն: Մնացածը` քաղաքականություն է:
Կցանկանայի, որ մրցանակի հաղթողը որոշվեր երկրպագուների քվեարկությամբ, այլ ոչ թե ուրիշ մարդկանց: Այս ամենը վերահսկեր ոչ թե ՖԻՖԱ-ն, այլ անկախ կազմակերպություն: Որպեսզի ամեն ինչ լինի արդար և թափանցիկ»,- Ռայոլայի խոսքերը մեջբերում է France Football-ը:
