Բելառուսի նախագահ Ալեքսանդր Լուկաշենկոյի Դուշանբե այցը Մինսկի համար նախ կարևոր է Մոսկվայի հետ նավթային հարցը քննարկելու տեսանկյունից:
Բելառուսի նախագահի մամուլի ծառայությունը հաղորդում է, որ ԱՊՀ անդամ-երկրների խորհրդի նիստի օրակարգում նեղ և ընդլայնված շրջանակում նախագահների բանակցություններն են: Այդ ընթացքում նախագահները կքննարկեն քաղաքական փոխգործակցության, մշակութային-մարդասիրական և անվտանգության ոլորտներում համագործակցության հետագա զարգացման հարցերը:
Իսկ Տաջիկստանի նախագահի մամուլի ծառայությունը հյուրերի պաշտոնական ընդունելությունից՝ «բարեկամության երեկոյից» լուսանկարներ է հրապարակում: Օբյեկտիվում է հայտնվել նաև Բելառուսի նախագահի կրտսեր որդին՝ Նիկոլայ Լուկաշենկոն: Նշվում է, որ հյուրերի ուշադրությունը գրավել են «մրգերի, բանջարեղենի տեսակները՝ հատկապես ցիտրուսային»: