Մեծ Բրիտանիայի տարածքի մեծ մասում, որտեղ արդեն մի քանի օր է՝ շարունակվում են հորդառատ անձրևները, սահմանվել է վտանգի «նարնջագույն» մակարդակ, որը երրորդն է չորսբալանոց սանդղակում: Այս մասին հաղորդում է ITAR-TASS-ը՝ վկայակոչելով շրջակա միջավայրի պահպանության ազգային գործակալությանը:
Ներկայումս Միացյալ թագավորության շուրջ 300 շրջաններում հայտարարվել է ջրհեղեղի վտանգ: Մեծ Բրիտանիայում վատ եղանակային պայմանները շարունակվում են դեկտեմբերի վերջից: Իրավիճակը բարդացնում է քամին, որի արագությունը մի շարք շրջաններում հասնում է ժամում 110 կիլոմետրի: Փոթորիկն առանց էլեկտրաէներգիայի է թողել շուրջ 1000 տուն, ընդ որում՝ տեղի իշխանությունները չեն բացառում հետագա վթարային անջատումները:
Եղանակային ծանր պայմանները խախտել են երկաթուղային և ավտոմեքենաների հաղորդակցությունը երկրում: Երկրի օդանավակայանների մեծ մասը դեռևս աշխատում է հաստիքային ռեժիմով: Այնուամենայնիվ, օդանավակայանների ղեկավարությունն արդեն զգուշացրել է թռիչքների հավանական հետաձգման կամ չեղյալ հայտարարման մասին:
