Մարդաբանները հայտնաբերել են մարդու մոտ ամենավաղ ատամնացավի հետքերը: Խոսքը մարդկային գանգերի մասին է, որոնք հայտնաբերվել են ժամանակակից Մարոկոյի տարածքում և ավելի քան 13700 տարեկան են գնահատվում:
Քարե դարի այդ մարդիկ, գիտնականների կարծիքով, այնպիսի սնունդ են օգտագործել, որոնք մեծ քանակությամբ ածխածիններ և ընկուզեղեն են պարունակել: Դա երևում է ատամների շատ վատ վիճակից: Հնարավոր է՝ նրան տառապել են ատամնացավերից:
Շաքարի ավելցուկը նույն խնդիրներն է առաջացնում ժամանակակից աշխարհում, գրում է BBC-ն:
Ավելին, պարզվել է, որ քարանձավային մարդիկ ինչ-որ միջոցով սովորել են հեռացնել ատամները: Հայտնաբերված ծնոտների ավելի քան 90 %-ում հեռացված են առաջին վերին կամ ներքին կտրիչներից մեկը կամ երկուսը: Գիտնականներին չի հաջողվել պարզել՝ արդյոք դրանք հեռացվել են ցավելու պատճառով, թե ոչ: Հնարավոր է՝ պատճառը որոշ ծիսակատարություններն են եղել:
Ատամնաբուժական գործունեության առաջին դեպքերը գրանցվել են 6,5 հազար տարի առաջ, երբ մարդիկ սկսել են մեղրամոմով լցնել փչացած ատամների խոռոչները:
