Ավստրալիայի վիճակագրության բյուրոյի ներկայացուցիչները ուսումնասիրություն են անցկացրել, որի արդյունքում պարզել են, որ որ վերջին 50 տարվա ընթացքում «Կանաչ մայրցամաքում» ալկոհոլի օգտագործումը հասել է ռեկորդային ցածր մակարդակի:
Ավստրալիացիները ամենից շատ սիրում են գարեջուրը, որը սպառում է բնակչության 39.2 տոկոսը և գինին՝ 38.3 տոկոս, գրում է The Drinks Business-ը:
2016-2017 ֆինանսական տարվա ընթացքում Ավստրալիայում մաքուր ալկոհոլի սպառումը կազմել է 186 մլն լիտր: 15 տարեկան և ավելի բարձր տարիքի յուրաքանչյուր բնակչի միջինում բաժին է ընկնում 9,4 լիտր: Այս ցուցանիշն ամենացածրն էր 1960-ականների սկզբից:
Ավստրալիայում ոգելից խմիչքներ ընդհանրապես չօգտագործողների թիվը կազմում է մոտ 20 տոկոս: Ավստրալիայում ալկոհոլի սպառման անկումը գագաթնակետին հասավ 1970-ականների կեսերին: Այն ժամանակ մեկ շնչին բաժին հասնող «ալկոհոլային» ցուցանիշը գերազանցում էր այժմյանը ավելի քան 2 անգամ:
