Հայաստանյան ներքաղաքական իրադարձություններն այս օրերին թե՛ մեր քաղաքացիների, թե՛ քաղաքագետների և դիվանագետների և թե՛ միջազգային հանրության ուշադրության կենտրոնում են։ ՀՀ երկրորդ նախագահի կալանավորումը, ապա ազատ արձակումը անձեռնմխելիության հիմքով քննարկումների թեմա է դարձել։ Այս և այլ հարցերի շուրջ «Առաջին լրատվական»-ը զրուցեց արտակարգ և լիազոր դեսպան, Հայ-ռուսական համալսարանի միջազգային հարաբերությունների ամբիոնի վարիչ Արման Նավասարդյանի հետ։
«Առաջին լրատվական»-ի՝ ինչպես եք վերաբերվում վերջին իրադարձություններին հարցին, Արման Նավասարդանն ասաց․ «Բացասական, իհարկե։ Ես կարող եմ ասել, որ դատաիրավական պրակտիկայի կոպիտ խախտում է տեղի ունեցել, որը, կարծում եմ, կշտկվի։ Այն հայտարարությունները, որ արվեց Քոչարյանի պաշտպանների կողմից, ես երկու ասպեկտով եմ մոտենում։ Առաջին՝ կամ աղավաղում են ու սուտ ասում, կամ էլ՝ նրանց կողմից թույլ է տրվում ոչ կոմպետենտություն, որը, ես խիստ կասկածում եմ, որ այդպես է։ Երկրորդ՝ ես սրա տակ քաղաքական մեծ մոտիվ եմ տեսնում, ուզում են մարդուն հանեն այդ հարվածի տակից, բայց կարծում եմ՝ իզուր ջանքեր են»։
Նավասարդյանը նաև ասաց․ «Այն հայտարարությունները, թե Քոչարյանն անձեռնմխելի է՝ աղաղակող անգրագիտություն է», և հավելեց, որ այստեղ արտաքին հակահեղափոխության վտանգ կա։
Ամբողջությամբ՝ տեսանյութում։
