Ավստրալիայում կենգուրուն կոտրել է պատուհանը և տեղի բնակչներից մեկի տուն ներթափանցել, հաղորդում է BBC-ն։
Միջադեպը հուլիսի 29-ին է տեղի ունեցել։ Ենթադրվում է, որ կենգուրուին վախեցրել է ավտոմեքենան կամ շների հաչոցը, ինչն էլ կենդանուն ստիպել է ապաստան գտնել։
Անծանոթ վայրը նրան սթրեսի է ենթարկել։ Տան տերերը կենգուրուին փակել են լոգասենյակում և կենդանիների պաշտպանների կանչել։
Մասնագետները նշում են, որ այդպիսի միջադեպերը սկսել են հաճախակի բնույթ կրել։ Պատճառը կենգուրուների բնակության վայրերում բնակելի շինությունների կամ դեպի դրանց երթուղիների կառուցումն է։
Կենդանին հյուծված էր և շատ արյուն է կորցրել՝ կոտրված ապակու պատճառով։ Տան բնակիչները չեն տուժել։
