Տասնամյակից ավելի ընդդիմադիր պայքար մղելով՝ անընդհատ բարձրաձայնել ենք խնդիրների մասին, հիմա եկել է խնդիրների լուծման ժամանակը, ինչն ավելի մեծ ռեսուրս է պահանջում և ավելի արդյունավետ է դարձնում աշխատանքը: Այս մասին «Առաջին լրատվական»- ի հետ զրույցում ասաց վարչապետի խորհրդական, տնտեսագետ Մեսրոպ Առաքելյանը:
Նրա խոսքով՝ տնտեսության խնդիրներն անընդհատ կուտակվել են՝ ներքին և արտաքին սուբյեկտիվ և օբյեկտիվ պատճառներով: «Մեկ երկու ախտորոշում տալ հնարավոր չէ, սակայն խնդիրները եթե երկու մասի բաժանենք, դրանք տնտեսական են և քաղաքական: Նախկին իշխանությունների վարած քաղաքականության հետևանքով մրցակցության բացակայություն էր, մոնոպոլիաներ, ստվերային տնտեսություն, բիզնեսի և իշխանության սերտաճում«:
Տնտեսագետի դիտարկմամբ՝ քաղաքական կամքի առկայությունը արդեն զգալի արդյունքներ է ցուցաբերում, սակայն տնտեսության մեջ դեռևս մնում են կուտակված և չլուծված խնդիրներ: «Տնտեսական կառավարությունը կառավարության առաջնահերթություններից է: Այս համակարգը բիզնեսի համար ավելի արդար է»,- նշեց Մ. Առաքելյանը: «Ստվերը ամբողջական շղթա էր, որի մեջ ներգրավված էին և՛ խոշորը, և՛ փոքրը«,- նշեց տնտեսագետը՝ հավելելով, որ տվերի վերացման համար պետք է ոչ միայն վարչարարություն, այլ նաև բիզնես մոտիվացիա:
Մանրամասն՝ տեսանյութում:
