Ամստերդամում անց է կացվում ՄԻԱՎ-ի վերաբերյալ 22-րդ միջազգային համաժողովը, որին մասնակցում են երգիչ Էլթոն Ջոնը և արքայազն Հարին: Միջոցառման շրջանակում նրանք հայտարարել են MenStar Coalition կոչվող համատեղ նախագծի մասին՝ գրում է gogetnews.info-ն:
Նախագիծը նպատակաուղղված է 24-35 տարեկան տղամարդկանց պարբերաբար ՄԻԱՎ-ի դեմ անալիզներ հանձնել դրդելուն և անհրաժեշտության դեպքում բուժվելուն: Էլթոն Ջոնի խոսքով՝ այժմ տղամարդիկ գրեթե չեն անում դա:
«Եթե մենք ուզում ենք ՄԻԱՎ-ի դեմ պայքարում հաղթող դուրս գալ, պետք է ամեն ինչ անենք, որպեսզի տղամարդիկ ևս դառնան խնդրի լուծման մի մասը: Ժամանակն է մեծ կոալիցիա ստեղծելու, որը կսովորեցնի տղամարդկանց պաշտպանել իրենց, իրենց եղբայրներին և որդիներին, ոչ թե միայն կանանց և դուստրերին»,- ասել է երգիչը:
