2018-ի ֆուտբոլի աշխարհի առաջնությունն ավարտվեց։ Եզրափակիչ խաղում Ֆրանսիայի ազգային հավաքականը 4։2 հաշվով հաղթեց Խորվաթիայի թիմին՝ դառնալով աշխարհի երկակի չեմպիոն։
Իսկ այժմ նշենք ԱԱ-2018-ի ամենահիշարժան պահերը։
Առաջնության գլխավոր ֆավորիտները՝ գերմանացիները, դեռևս խմբային փուլում վայր դրեցին չեմպիոնի լիազորությունները։ Ոչ ոք չէր կարող մտածել, որ Ռուսաստանի ազգային հավաքականը կշրջանցի աշխարհի գործող չեմպիոններին։
Ֆուտբոլի ամենապայծառ աստղեր Ռոնալդուն և Մեսին միևնույն օրը իրենց թիմերի հետ դուրս մնացին աշխարհի առաջնությունից։
Բրազիլիայի հավաքականն արդեն 16 տարի է՝ չի կարողանում եզրափակչում հայտնվել։ Թիմի գլխավոր աստղը՝ Նեյմարը, մրցափուլի ժամանակ 3 սանրվածք է փոխել, սակայն 2 գոլ խփել։
Ռուսաստանի հավաքականի հետ խաղում իսպանացիները գնդակի փոխանցումների ռեկորդ սահմանեցին, սակայն պարտվեցին 11 մետրանոց մրցաշարում և դուրս մնացին մրցափուլից։
Եզրափակիչ խաղն աչքի ընկավ սկանդալով։ Մարզադաշտում հայտնվեցին ոստիկանի համազգեստով Pussy Riot-ի ակտիվիստները՝ մի քանի րոպե ընդհատելով խաղը։
Ֆրանսիայի նախագահ Էմանուել Մակրոնը չկարողացավ թաքցնել հույզերը, երբ ազգային հավաքականը բացեց հաշիվը։
Չնայած ազգային հավաքականի պարտությանը և անձրևոտ եղանակին՝ Խորվաթիայի նախագահ Կոլինդա Գրաբար-Կատիրովիչը ողջունեց իր թիմին։
Իսկ Էմանուել Մակրոնի և Կոլինդայի գրկախառնությունը երկար ժամանակ ԶԼՄ-ների ուշադրության կենտրոնում էր։
Հիշարժան էր նաև այն, թե ֆրանսիացի ֆուտբոլիստներն ինչպես էին նշում հաղթանակը՝ չնայած հորդառատ անձրևին։
