Հովանոցի պատմությունը, որը ֆուտբոլի ԱԱ փակման արարողության ժամանակ չէր բավականացրել, որպեսզի անձրևից պաշտպաներ բոլոր քաղաքական գործիչներին, բացատրվում է «բարձր կանոնակարգի» առանձնահատկություններով,– գրում է «Մոսկովսկի կոմսոմոլեց» թերթը։
Միջոցառման ժամանակ հովանոցով ծածկվել էր միայն ՌԴ նախագահ Վլադիմիր Պուտինը։ Ֆրանսիայի և Խորվաթիայի առաջնորդները կանգնած էին մնացել անձրևի տակ։
«Պարզապես եթե դա մեկնաբանենք, ակամայից ստիպված կլինենք քննադատել բարձր արտասահմանյան հյուրերի թիկնազորին»,– ասել է թերթի՝ Կրեմլին մոտ կանգնած աղբյուրը։
Պարբերականը գրում է, որ բարձրաստիճան անձի հովանոցի մասին պետք է հոգ տանի նրա անձնական թիկնապահը, քանի որ հենց նրա վրա է ընկած պաշտպանյալի կյանքի և առողջության պատասխանատվությունը։ Այսպես, Դաշնային թիկնազորի ծառայության կանոնակարգում գրված է, որ «հովանոցը պարտավոր է հայտնվել» առաջին դեմքի գլխին, հենց որ անձրև է սկսվում։
Ընդ որում, որոշ արտասահմանյան հյուրերի դեպքում թիկնազորը ընդհանրապես դեմ է լինում, որպեսզի իրենց պահպանյալներին «կողքից» ինչ որ բան տան, օրինակ՝ անձրևանոց կամ հովանոց։ Այդ պատճառով, թե «ինչու՞ անձրևանոց չի եղել» հարցը պետք է ուղղել Մակրոնի և Գրաբար–Կիտարովիչի թիկնապահներին,– նշում է թերթը։
