Այսօր՝ հունիսի 19-ին, ԱԺ-ում հրավիրված արտահերթ նիստին քննարկվում է ԱԺ պատգամավոր Մանվել Գրիգորյանի նկատմամբ քրեական հետապնդում հարուցելու և նրան ազատությունից զրկելու մասին համաձայնություն տալու գլխավոր դատախազի միջնորդագրերի հարցը:
Ինչպես նշեց ԱԺ նախագահ Արա Բաբլոյանը՝ Մանվել Գրիգորյանը իրեն նամակով տեղեկացրել է, որ հրաժարվում է մասնակցել միջնորդագրի քննարկմանը:
ՀՀ գլխավոր դատախազ Արթուր Դավթյանը ներկայացրեց միջնորդագրերը՝ նշելով, թե խուզարկությամբ ինչեր են հայտնաբերվել նրա առանձնատանը, և ընթերցեց Ապրիլյան պատերազմի օրերին Սաֆարյանի անվան դպրոցի 3-րդ դասարանի աշակերտի նամակը՝ ուղղված առաջնագծում գտնվող զինվորին:
Գլխավոր դատախազի խոսքով՝ խուզարկությամբ հայտնաբերված ապրանքներից միայն մսի, ձկան պահածոյի և խտացրած կաթի արժեքը կազմում է 7 մլն դրամ:
Ինչպես նշեց Արթուր Դավթյանը՝ ձեռք բերված ապացույցների համակցությունը բավարար հիմք է տալիս Մանվել Գրիգորյանին սույն գործով ներգրավելու որպես մեղադրյալ. «Միջնորդում եմ համաձայնություն տալ ՀՀ ԱԺ պատգամավոր Մանվել Սեկտոր Գրիգորյանի նկատմամբ քրեական հետապնդում հարուցելուն, որպես մեղադրյալ ներգրավելուն և մեղադրանք առաջադրելուն»:
Գլխավոր դատախազը ներկայացրեց հաջորդ միջնորդագիրը՝ Մանվել Գրիգորյանին ազատությունից զրկելուն համաձայնություն տալու վերաբերյալ:
Արթուր Դավթյանի տեղեկացմամբ՝ Մանվել Գրիգորյանը հեռախոսով կապ է հաստատել որդու հետ և հանձնարարել, որ իր նշած անձը՝ Արմեն Հակոբյանը ստանձնի ողջ պատասխանատվությունը:
Մանրամասները՝ տեսանյութում:
