19-ամյա աղջիկը, ով չորս տարի շարունակ տառապել է հազվադեպ հիվանդությամբ, այնքան է հուսալքվել, որ փորձել է ինքնասպանություն գործել: Բարեբախտաբար, բժշկներին հաջողվել է պարզել խորհրդավոր հիվանդության պատճառները և փրկել աղջկան: Չորս տարի առաջ 19-ամյա Դելֆինա Սեդենյոյի մոտ առաջին անգամ ի հայտ են եկել տարօրինակ հիվանդության ախտանիշները, երբ լաց լինելիս նրա աչքերից արցունքների փոխարեն արյուն էր հոսում: Սակայն դրանով Դոմինիկյան Հանրապետության բնակչուհու դժբախտությունը չի ավարտվել. նրա քրտինքը նույնպես վերածվել է արյան:
Դրանից բացի, կտրուկ մազաթափության պատճառով փոխվել է նաև Դելֆինայի արտաքին տեսքը: Բազմաթիվ բուժզննումները ոչ մի արդյունք չեն տվել, և աղջիկը որոշել է ինքնասպանություն գործել: Սակայն բժիշկները ժամանակին փրկել են նրան:
Չորս տարվա ուսումնասիրություններից հետո բժիշկները վերջապես ախտորոշել են նրա հիվանդությունը: Պարզվել է, որ Դելֆինայի արյան մեջ ադրենալինի մակարդակը 20 անգամ գերազանցում է նորման, գրում է Daily Mail-ը: Մասնագետների խոսքերով՝ սթրեսի ժամանակ մարդկանց մեծամասնության մոտ արյան անոթները նեղանում են, իսկ աղջկա մոտ հակառակն է տեղի ունենում՝ դրանք լայնանում են, որի արդյունքում էլ արյունը մաշկի մակերևույթին է հայտնվում:
Ներկա պահին Սեդենյոն իրեն շատ լավ է զգում, քանի որ հանգստացնող դեղամիջոցները հաջողությամբ կառավարում են արյան հոսքը: Աղջկա կյանքում նաև մի երիտասարդ է հայտնվել, ով օգնում է նրան պաքարել հիվանդության դեմ:
