Բնությունը մեր բոլորիս տունն է: Մեր հայերը մի քիչ սխալ են հասկանում տուն ասվածը, իրենց թվում է, թե իրենց չորս պատն իրենց տունն է, իսկ աղբանոցը մեր բնությունն է: «Առաջին լրատվական»- ի հետ զրույցում ասաց լուսանկարիչ Հայկ Բարսեղյանը՝ հավելելով. «Ես կերթամ այդ աղբանոցը մաքրելու»:
Նա նաև նշեց, որ Հայաստանն, այնուամենայնիվ, աշխարհի լավագույն տեղերից է, բայց գրագետ կերպով չի մատուցվել աշխարհին, և ինքն առաքելություն է վերցրել Հայաստանը առավելագույնս լավ կողմերով մատուցելու աշխարհին: «Եվ այդ մատուցելու ընթացքում լիքը զիբիլնոց կտեսնիս: Մարդիկ երբ որ հասկնան, որ իրենց տունը չի սահմանափակվի ռեմոնտ էրած չորսը պատով, խնդիրը կլուծվի»,- ընդգծեց Հ. Բարսեղյանը:
Նրա դիտարկմամբ՝ մեր հասարակության մեջ լավ ապրելու արժեքներից են համարվում «այֆոնի լոգոյով հեռախոս կամ շքեղ մեքենա ունենալը, որի կարիքն իրականում չունենք. մեր հասարակությունը երբ որ չափի մեջ ապրել սովորի, ամեն ինչ զիլ կլինի»:
Հ. Բարսեղյանի խոսքով՝ մեր կրթական համակարգն ուղղակի անընդունելի է. «Մեծացնում է հերթական զոմբիներին, որոնք ապրելու են հերթական կյանքը և ուղղակի գնալու են. սա դառն իրականությունն է, որի դեմ պիտի փորձենք պայքարել»: Նրա կարծիքով՝ երբ որ մարդուն փոքր տարիքից հարցնում են՝ ինչ պիտի դառնա, նրան ծրագրավորում են, որ միայն մեկ բան պիտի դառնա: «Իսկ եթե չես կարողանում դառնալ այն, ինչ պիտի դառնայիր, կդառնաս անհաջողակ, դժբախտ, անհավես մարդ: Մարդուն չի կարելի զրկել ամենակարևորից՝ իր ազատ ու բնական լինելու իրավունքից»,- ընդգծեց մեր զրուցակիցը:
Մանրամասն՝ տեսանյութում: