«Առաջին լրատվական»-ի զրուցակիցն է «GALLUP International association»-ի հայաստանյան ներկայացուցչության տնօրեն Արամ Նավասարդյանը։
–Պարոն Նավասարդյան, ինչպե՞ս եք տեսնում արտահերթ խորհրդարանական ընտրությունների օրակարգը։
-Կարծում եմ նախ պետք է փոփոխել Ընտրական օրենսգիրքը։ Կան մի շարք տեխնիկական հարցեր և օրակարգը ավելի հստակ կլինի միայն այն դեպքում, երբ հստակեցվեն ժամկետները։ Մեզ մոտ ընտրությունների պատկերը բավական փոխված են լինելու։ Այն պատկանա կուսակցությունները, որոնք գործել են վերջին 10,20 տարում, նրանց մեծ մասը կտրոհվեն, կձուլվեն կամ կմիանան ավելի կարող ուժերին։ Օրինակ՝ «Ժառանգություն»-ը, իր ախաշնորհ կառավարման շնորհիվ մոտ է լուծարման։ Նրանց վերջին ակտիվացումը կապված է հենց դրա հետ, որպեսզի իրենց ծառայությունները առաջարկեն ավելի կարող ուժերին։ Կարծում եմ ՀԱԿ-ը շատ թույլ հնարավորություն ունի ԱԺ անցնելու։ «Օրինաց երկիր»-ը ևս որոշակի ազդակներ տալիս է, որ մասնակցելու է ընտրություններին։ Բայց արդյունավետության մասով չեմ կարող ասել ինչպիսին կլինի։ Մենք տեսնելու ենք բավական հետաքրքիր զարգացումներ։
–Հնարավոր համարում եք ընտրություններից առաջ տարբեր քաղաքական օրակարգով դաշինքների ձևավորումը, մասնավորապես՝ արևմտյան, եվրոպական կողմնորոշմամբ:
-Զարմանալի կլիներ, որ հայկական իրականությունում հիմա գոյանար պրոեվրոպական քաղաքական ուժ, որն ունենար իրական ներուժ զարգանալու, եթե իհարկե նրան արհեստականորեն չօգնեն։ Ասել, որ ինչ որ նպաստավոր պայմաններ են ստեղծել նրանց ակտիվության համար, ես չեմ կարծում։ Բայց դա նրանից չէ, որ մենք մեր շահերը չպետք է կապենք Եվրոպայի հետ, կամ զուտ ռուսական վեկտորի հետ պետք է աշխատենք, դա այդ կուսակցությունների ապաշնորհ կառավարման արդյունքում է եղել։ Քաղաքական դաշտը հիմա կլինի ավելի ջինջ, քան առաջ էր։ Կարծում եմ արհեստական դաշինքների ստեղծում չի լինի, քանի որ նման ավանտյուրայի մեջ ոչ ոք այլևս գումարններ չի ներդնի։
Հարցազրույցն ամբողջությամբ՝ տեսանյությում
