Ամերիկյան սենատը հավանություն է տվել պլաստիկ զենքի պատրաստման արգելքին, որը կարող է անտեսանելի լինել ռենտգենյան սարքերի ու մետաղորսիչների համար: Այս մասին հայտնում է BBC-ն:
Արգելքը կգործի առաջիկա 10 տարիներին: Անցած շաբաթ արգելքը հավանության էր արժանացրել Ներկայացուցիչների պալատը:
Նշվում է, որ արգելքը թելադրված է եղել վերջին շրջանում ի հայտ եկած սպառնալիքով, որ եռաչափ տպիչների միջոցով հնարավոր է պլաստիկ նյութից ցանկացած տեսակի զենք պատրաստել:
Այս տարի ավելի վաղ 25-ամյա ամերիկացի Կոդի Ուիլսոնը մշակել էր ատրճանակի եռաչափ մոդել, որը կարող էր կրակել մարտական փամփուշտներով: Գրեթե բոլոր դետալները պատրաստվել էին ջերմապլաստիկ նյութից:
