Ատամնաբույժը, ով 2011-ին գնել է Ջոն Լենոնի ատամներից մեկը, ծրագրում է կլոնավորել լեգենդար երաժշտին: Շատ հավանական է, որ այս «գործում» երգչին «կընկերակցի» Էլվիս Փրեսլին, քանի որ ատամնաբույժը նրանից ևս մի մասնիկ ունի: Այս մասին գրում է Federal Post-ը:
Կանադացի ատամնաբույժ Մայքլ Զաքին հատկապես ոգևորում է կլոնավորված Դոլի գառնուկի օրինակը: Նա ցանկանում է 2040-ին կլոնավորել Ջոն Լենոնին` ի պատիվ երգչի 100-ամյա հոբելյանի:
Քանի որ Ջոն Լենոնի երաժշտական ճաշակը ձևավորվել է անցյալ դարի 50-60-ականներին, Լիվերպուլում, կլոնավորված երեխայի ճաշակը չի կարող ամբողջությամբ նույնը լինել: ԴՆԹ-ն, սակայն, կազդի նրա երաժշտական ունակությունների վրա:
Բժիշկ Զաքի կարծիքով` երեխայի համար շատ բարդ կլինի մամուլի հետ շփվելը, ուստի նա թույլ կտա հրապարակել կլոնավորման միայն որոշակի գործընթացներ, սակայն չի բացահայտի երեխայի անձը:
