Aravot.am-ի փոխանցմամբ՝ Գյումրիում խոսակցության գլխավոր թեման թատրոնի շենքի բակից հանված պուտինյան եղևնիներն էին: Գյումրեցիներն ամենուր, անգամ տրանսպորտի մեջ թաղում ու հանում էին եղևնիները տանողներին: Անգամ Գյումրու ավագանու արտահերթ նիստը սկսվել է այդ թեմայով:
Ավագանու անդամ Մխիթար Սահակյանը ձայն է խնդրել իր վրդովմունքը հայտնելու համար: Նա իր խոսքը սկսեց այսպես. «Սիրտս կտրաքի, էլի, եղևնիների հարցը մի հատ կարգավորվի, էլի, սաղ քաղաք չգիտեմ ինչղ կեղնի… Ի՞նչղ բդի եղնի»: Սամվել Բալասանյանն էլ արձագանքեց. «Իրոք բոլորիս տրամադրությունը փոխվեց, լավ չէ, որ եղևնիները հանեցին տարան: Ճիշտն ասած՝ ինչ-որ հնչեղություն ստացավ, բայց մի բան ասեմ ` ջերմոցային էին: Էդ նոճիները այդտեղ, էդ թփերը տեղին չէին, որովհետև եթե էդ նոճիներն այդտեղ լինեին, հետագայում կբարձրանային և կփակեին: Մյուս տարի քեզ եմ հանձնարարում, քանի որ սիրտդ տրաքել է, որ անպայման էդ հատվածի հետ կապված բարեկարգման աշխատանքների հարցում հետևողական լինես` քո հանձնաժողովով»:
Ավագանու նիստի ավարտից հետո թատրոնի շենքի դիմացով անցնելիս, aravot.am-ի տեսախցիկն արձանագրել է, որ պուտինյան եղևնիների փոխարեն նոր ծառեր` բազմամյա, ցրտադիմացկուն կենսածառեր են բերել ու տնկել:
Մանրամասները՝ aravot.am-ում
