Վերջին հինգ տարվա ընթացքում Իսրայելում ջրի պակասի հարցի սրացման պատճառով երկրի ջրային ռեսուրսների կառավարման վարչությունը նախաձեռնել է «Իսրայելը կրկին չորանում է» արշավը։ Դրա շրջանակում քաղաքացիներին դիմելով՝ գերատեսչությունը խնդրել է լոգանք ընդունել երկու րոպեի ընթացքում։
«Ես դիմում եմ Իսրայելի քաղաքացիներին՝ հանուն մեզ և մեր երկրի բնության ջուր տնտեսելու խնդրանքով»,-կոչ է արել էներգետիկայի նախարար Յուվալ Շտայնցը։
Նա կոչ է արել տնտեսող ռեժիմը սովորություն դարձնել, քանի որ բացառված չէ, որ հաջորդ տարին երաշտային կլինի։
«Երաշտը՝ Մերձավոր Արևելքում ընդհանրապես և Իսրայելում մասնավորապես, մեզ դեռ երկար տարիներ կուղեկցեն, և նույնիսկ աղազատիչ կառույցները չեն կարողանա հաղթահարել այդ իրավիճակը»,-հայտարարել է Շտայնցը։
