Սիրիայում արմատական տարրերի կողմից կռվում են Արևմուտքի տարբեր երկրների հազարավոր քաղաքացիներ՝ ներառյալ ԱՄՆ-ի: СNN հեռուստաալիքի եթերում նման տվյալներ է ներկայացրել ԱՄՆ Կոնգրեսի ներկայացուցիչների պալատի հետախուզության գծով հատուկ կոմիտեի ներկայացուցիչ Մայքլ Ռոջերսը՝ հայտնում է ITAR-TASS-ը:
Նրա խոսքով՝ ներկայումս Սիրիայում «տեղի է ունենում «Ալ-Քաիդա»-ի զինյալների և դրա հետ կապված խմբավորումների՝ մինչ այժմ չտեսնված դոսյեի խտացում: Ամենասարսափելին այն է, որ ջիհադին մասնակցելու համար այնտեղ մեկնած մի քանի հազար մարդ Արևմուտքի երկրների անձնագիր ունի»:
Ռոջերսը հաստատել է, որ այդ պետությունների թվում, որոնց քաղաքացիները գործում են Սիրիայում ապստամբ իսլամիստների կողմից, նաև ԱՄՆ-ն է: Այդ մարդկանց որոշակի տոկոսն «արդեն վերադարձել է հայրենիք», ուստի բնական է, որ իրադարձությունների նման զարգացումը չի կարող չանհանգստացնել Արևմուտքի հատուկ ծառայություններին՝ նշել է նա՝ հավելելով, որ Սիրիա ներթափանցած անձինք «սկսում են տարածվել» ամբողջ տարածաշրջանով, և դրա հետևանքներն արդեն զգալի են Լիբանանում, Իրաքում, Հորդանանում և Թուրքիայում:
Հեռուստածրագրին մասնակցող Կոնգրեսի սենատի հետախուզության հատուկ կոմիտեի ղեկավար Դայեն Ֆայնսթայնն ասել է, որ վերջին 1-2 տարում ահաբեկչական վտանգն աշխարհում և մասնավորապես ԱՄՆ-ում զգալիորեն սրվել է:
