Գիտնականները մշակում են համակարգչային չիպ, որը կարող է իմպլանտավորվել հիվանդների ձեռքի մեջ, որոնք տառապում են ճարպակալումից: Այն վերջիններիս կօգնի պայքարել ավելորդ քաշի դեմ` հաղորդում է The Mail Online-ը:
Սարքը մշտապես կվերահսկի արյան մեջ ճարպի մակարդակը և երբ գերսնուցում գրանցի, արյան մեջ կներարկի հորմոն, որը բթացնում է քաղցի զգացումը: Սարքը փորձարկվել է կրծողների վրա, այն հիանալի արդյունք է գրանցել: Հարկ է նշել, որ երբ կրծողները հասել են նորմալ քաշի, սարքը դադարել է հորմոնի ներարկումը:
Շվեյցարացի հետազոտողները հույս ունեն, որ 5-10 տարի հետո իրենք կկարողանան ստեղծել սարք, որը մետաղադրամի չափ կլինի և կներդրվի մարդկանց ձեռքի մեջ:
Ճարպակալումը կարող է մարդու կյանքը կրճատել ինը տարով և առաջացնել մի շարք հիվանդություններ, ինչպիսիք են` շաքարախտը, սրտի հետ կապված հիվանդությունները, անպտղությունը, կաթվածը, ընկճախտը, քաղցկեղը:
