NewsBook-ի տեղեկցմամբ՝ Վարդան Պետրոսյանի մասնակցությամբ ավտովթարի 3D մոդելավորված տարբերակն արդեն պատրաստ է: Սա հնարավորություն է տալիս տեսնելու, թե ինչպես է տեղի ունեցել վթարը: Այս մասին NewsBook-ին ասաց Պետրոսյանի փաստաբան Նիկոլայ Բաղդասարյանը և հավելեց, որ տուժող կողմը ետընթաց շարժում է կատարել` չնայած դրա վարորդի պնդումներին այն մասին, որ վթարի պահին ինքն անշարժ կանգնած է եղել իր տեղում: Հարցին, թե արդյոք 3D մոդելավորման արդյունքներն ի օգուտ Պետրոսյանի՞ են, Բաղդասարյանը պատասխանել է, որ շուտով պարզ կլինի, թե դրանք ի վնաս ում են:
«Մենք չենք ցանկանում շոու ստեղծել, այլ ուզում ենք հնարավորինս խաղաղ տարբերակով այս խնդիրը լուծել: Տուժող կողմին և նրանց փաստաբաններին արդեն տրամադրվել է 3D մոդելավորումը»,- ասել է Բաղդասարյանը և տեղեկացրել, որ երեկ արդեն ստացել է Վարդան Պետրոսյանի խափանման միջոց կալանքն անփոփոխ թողելու վերաբերյալ վերաքննիչ դատարանի որոշումը և երկուշաբթի օրը պատրաստվում է բողոքարկել այն:
Մանրամասները՝ NewsBook-ում
