Վրաստանի նախագահ Գեորգի Մարգվելաշվիլին Վիլնյուսում կայացած «Արևմտյան գործընկերության» գագաթնաժողովի արդյունքում լրագրողների հետ հանդիպման ժամանակ հայտարարել է, որ Թբիլիսին պատրաստ է առանց զգացմունքայնության քննարկել Ռուսաստանի հետ հարաբերությունները՝ ելնելով տարածաշրջանային շահերից:
Մարգվելաշվիլիի կարծիքով՝ Թբիլիսին «հաջողության է հասել այն հարցում, որ ցույց է տվել Ռուսաստանին, որ Վրաստանը թշնամի չէ, որ կայուն Վրաստանը Ռուսաստանի համար ձեռնտու է»:
«Կարծում եմ, որ պատրաստ կլինենք քննարկել այդ հարցերը (Աբխազիայի և Հարավային Օսեթիայի) զգացմունքներին կուլ չգնալով, այլ ելնելով իրական քաղաքականությունից և տարածաշրջանային շահերից»,- վրացական առաջնորդի խոսքերն է փոխանցում Ria Novosti-ն:
