Առողջ սննդի մասին հաղորդումների ժաանակ հաճախ պնդում են, որ չի կարելի ուտելու ընթացքում ջուր խմել։ Դա բացատրվում է նրանով, որ ջուրը ջրիկացնում է ստամոքսահյութը։ Մյուսները գտնում են, որ դրա արդյունքում գիրանում են։ Երրորդներն ասում են, որ ջուրը դուրս է հանում չմարսված սնունդը ստամոքսից։ Բայց մի՞թե սովորական ջուրը կարող է մեզ վնասել։
Մասնագետները բացատրում են, որ ստամոքսում ջուրը երկար չի մնում, 300 մլ ջուրը աղիների մեջ է անցնում արդեն տաս րոպե անց։ Այսինքն, եթե դուք ջուր խմեք ուտելու ընթացքում, ձեր ստամոքսում լիճ չի գոյանա։ Այն անցնում է ծամված սնունդի միջոց, լրացուցիչ խոնավեցնելով այն, իսկ մնացած մասը արագ դուրս է գալիս ստամոքսից։
Հեղուկը չի նվազեցնում թթվայնությունը։ Եթե դուք նույնիսկ մեկ լիտր ջուր խմեք, դա որևէ կերպ չի ազդի ձեր ստամոքսի թթվայնության վրա։
Հեղուկը նաև չի ազդում մարսողության արագության վրա։ Ոչ մի գիտական հետազոտություն չի հաստատել այն առասպելը, թե իբր հեղուկը կոշտ սնունդը դեպի աղիներ է տանում, նախքան դրա մարսվելը։ Գիտնականները հավաստում են, որ հեղուկը շատ ավելի արագ է լքում ստամոքսը, քան պինդ մարմինները, սակայն որևէ կերպ չի ազդում դրանց մարսելու արագության վրա։
Եվ այսպես. եթե դուք ուտելու ժամանակ ջուր խմեք, վտանգավոր ոչինչ տեղի չի ունենա։ Ընդհակառակը, ջուրը օգնում է փափկացնել և ավելի արագ մարսել չոր սնունդը։ Սակայն չարժե խմել, եթե դուք չեք դադարել ծամելը և կուլ չեք տվել սնունդը. այն պետք է թքի հետ խառնվի, որտեղ անհրաժեշտ ֆերմենտներն են գտնվում։
