«Մենք ինքնանպատակ որևէ մեկին չենք ուզում քննադատել։ Մեր քննադատությունները միշտ եղել են հիմնավոր, փաստերով»,-«Առաջին լրատվական»-ի հետ զրույցում ասաց ԱԺ «Ծառուկյան» խմբակցության պատգամավոր Վարդևան Գրիգորյանը՝ անդրադառնալով «Ծառուկյան» խմբակցության՝ կառավարության քննադատություններին։
Նա նշեց, որ «Ծառուկյան»խմբակցությունը վարչապետի ընտրության հարցում ևս կունենա միասնական դիրքորոշում․«Եթե դուք ուշադրություն դարձնեք մեր քվերակություններին, կտեսնենք, որ իսկապես կա թիմ հասկացությունը»,-հավելեց նա։
Հարցին, թե ինչու Գագիկ Ծառուկյանը չմասնակցեց Արմեն Սարգսյանի երդմնակալության արարողությանը, Վարդևան Գրիգորյանը նշեց, որ տեղեկատվություն չունի, թե ինչու չի մասնակցել, բայց միտում չի տեսնում։
